呢啲叫原汁原味呀！（設計對白）
前商台 DJ Mini（中）開鋪，早排帶埋個仔返加拿大休息三個月嘅關淑怡俾面到場，更凸出悠長假期成果大肚腩，以及迷彩褲上嘅 size sticker。
同你吟一吟
關淑怡李綺虹鬥失手
2010年02月18日事業女性要家庭工作兩兼顧，絕非易事，做埋媽咪就更加顧到頭顧唔到腳。圈中明星媽咪更唔易做，一日廿四小時唔夠用，著衫扮靚時間買少見少，失手意料中事。
上個禮拜二（二月九日），單親媽咪關淑怡出席新店開幕禮，軍褸迷彩褲配合今季大熱潮流，品味冇甩咇，之但係關淑怡睇漏眼，無留意迷彩褲仲貼住分辨尺碼嘅 sticker。
唔單只關淑怡出事，專登丟低個仔同老公，由加拿大飛返香港宣傳新劇《老公萬歲》嘅李綺虹，貫徹鬼婆著衫九唔搭八無所謂嘅特質。上個禮拜三（十日），李綺虹現身奧海城宣傳活動，開胸露 bra閃珠片 top，外加一件有帽白色衞衣，八珍睇到都見暈。
唔靚咩，做乜唔望我啫！（設計對白）
閃片開胸 top打底，外加白色有帽衞衣，即使李綺虹多次前露出 bra，唔知點解，望落一啲都唔性感。
同場出現仲有打算做媽咪嘅楊千嬅，近排舟車勞頓四圍飛，返香港又要拍戲，無精神要戴超遮醜，但就唔遮件衫個窿，露出肉腰。
撰文：八珍
mailto:nextb@nextmedia.com
ليست هناك تعليقات:
إرسال تعليق