大時大節
圍村攞料 米雪自製盆菜冧尹佬
2010年02月18日今年大年初一適逢又是情人節，唔少人大感頭痛，究竟陪屋企人定情人好？不過，對於拍拖廿多年，情同夫妻的米雪及尹志強（尹佬）則全無難度，二人決定與家人一起齊齊圍爐食盆菜，熱熱鬧鬧過情人節。
馬浚偉自薦做主持一連十三集的飲食節目《大廚出馬》，日前就找來好友米雪相助，到大埔文家村拍賀年特輯，米雪因而盡得圍村大廚傳授盆菜及圍村傳統食品心得，學以致用，她決定在情人節親自下廚炮製傳統美食，實行以中西合璧氹男友。
百人盆菜
圍村大廚親自教馬浚偉用大鑊炒豬肉，豬肉炒香再炆，之後放在盆菜中層位置，一大鑊煮埋，足夠百人享用。
臨時灶台
馬浚偉之前因為拍《老友狗狗》一劇要扮圍村仔，曾獲圍村村長陳灶良幫手惡補圍頭話，日前再到圍村拍攝賀年特輯，村長及數十村民予以方便外，更勞師動眾，提前一晚在祠堂外搭建灶台。
學做大廚
米雪試食圍村傳統食品「酹鑊邊」後大讚有水準，「大廚將門鱔魚、切碎嘅五花腩、鮮蝦同芹菜炒香，加水煮成湯，再將啲預先溝好嘅粉漿喺鑊邊酹落去，落鑊後變成一塊塊嘅粉皮，好好食，呢啲先係真正嘅大廚，俾包麵粉佢已經煮到嘢食，我返去會試吓煮俾尹佬食，佢應該會鍾意嘅。」米雪說。
刀麻切
「刀麻切」及「酹鑊邊」是傳統圍村食物，先將魚片、蝦肉、五花腩及芹菜等材料爆香，再加入手切麵條煮成，湯味鮮甜，而自製麵條亦好有咬口。
海鱟變廚具
大埔文家村村民每逢有喜慶日子，都會在祠堂外的空地大排筵席，由於閒閒地要煮數百人飯菜，要有大鑊外，仲要有大鑊剷，圍村人還會善用資源，以海鱟的外殼作為盛水工具，非常環保。
爭住合照
米雪在圍村出現，吸引不少村民爭相合照，她亦大讚圍村人有人情味。「好鍾意佢哋仍然保留傳統同人情味，我鄉下喺東莞，都會跟番阿媽嘅習俗，試過有年自己一個人出外做嘢，不過我照喺酒店房擺賀年糖果盒，等自己感受吓過節氣氛。」米雪說。
o靚模助手
《大廚出馬》中馬浚偉有兩位女助手，林穎彤（左）曾經參加商台十人巷，更成功擊敗搞到崔建邦一身蟻的鄺敏慧（中巴），成為優勝者。而陳蔚而則曾是「味之天使」中的「奶茶」。
撰文、攝影：娛樂組
mailto:nextb@nextmedia.com
ليست هناك تعليقات:
إرسال تعليق