數爆你！（設計對白）
本週一（二月一日）播出「中巴」專訪，她聲淚俱下說錯愛崔建邦，令她留下不快陰影。
探熱針
中巴喊住數臭 崔建邦虎年復活
2010年02月04日去年底被指鉸剪腳虐打 o靚模鄺敏慧（中巴），散打王崔建邦（ Amigo）「龜縮」個多月，上週五（一月廿九日）現身長沙灣警署報到。
由於「中巴」未有提供更多有力被虐證據，隨時獲撤銷起訴的 Amigo，已部署復出大計，預計農曆年過後便會重返《勁歌金曲》大本營。
至於一直以受害者自居的「中巴」，事發後見報率有增無減，早前更聲淚俱下，接受有線娛樂新聞台專訪，訴說錯愛散打王經過：「除咗屋企人之外，我最愛就係佢（崔建邦）！」認真可歌可泣！
過完年嚟過
事發後「龜縮」三十八日的崔建邦，上週五首度現身長沙灣警署報到，但拒絕回應虐打事件。有消息指，由於警方未能從「中巴」身上取得更進一步有力證據，大有機會撤銷所有控罪，「甩難」 Amigo已獲業務總經理陳志雲悉心安排復工大計，預計農曆新年後「復活」熒光幕，同時測試觀眾反應。「而家都唔知觀眾對 Amigo有咩睇法，初步諗都係安排佢做一啲簡單嘅主持工作試反應，最有可能係返去主持《勁歌》。雖然未落實，但新年後復工就一定事在必行。」一名無綫製作人員透露。
你好嘢！（設計對白）
無影個多月，上週五崔建邦到警署報到後諗盡辦法避開傳媒視線，最後無計可施，在尖沙咀一停車場內無奈企定定俾記者影相。
身為陳志雲愛將，崔建邦在陳總的安排下，將於農曆年後復工。（《忽然 1周》圖片）
爆陰毒
至於被一「打」成名的鄺敏慧，工作密密接到無停手，昔日出騷幾千蚊有交易，今時今日開口就過萬， Amigo的確居功不小。
為加強「搏宣傳」攻勢，「中巴」更接受有線娛樂新聞台專訪。有關節目在週一（二月一日）播出，淚腺發達由頭喊到落尾的「中巴」，誓神劈願話自己無借 Amigo搏上位，希望觀眾睇清楚邊個先係受害人。
節目一開始，「中巴」細訴地下情因由：「當你遇到一個人，又咁錫你，好似咁保護你，咁你就會覺得好完美，咁就信佢，幫佢隱瞞啲嘢，但到頭來個結果係咁！……可能佢喺呢行知名度比較高，佢唔想公開影響佢工作，傳媒朋友問起我哋係咪拍拖，我都有幫佢，唔認呢件事。」
對於男友動粗，「中巴」更爆料指與 Amigo拍拖後，漸漸發現對方開始判若兩人：「其實我媽咪到而家都唔係好信，可能佢表面太好，好尊敬長輩，好有禮貌，好錫我屋企（人），好錫我……嗰時我哋都幾黐纏，好恩愛，但係忽然為咗咁小事就可以出手，去到好極端！」
上月中「中巴」聲稱被打並到醫院驗傷，之後公開同崔建邦的合照，力證情侶關係。
精神分裂
對於報警驗傷全程有傳媒直擊，「中巴」表示毫不知情，期間更激動說：「我無借呢件事搏上位，我只不過做一個普通人嘅嘢，你俾一個咁信任、咁愛嘅男人咁對你，我係應該去報警！」
「中巴」盡訴心中情，自爆要睇心理醫生療情傷，如果早知有今日，肯定唔會同 Amigo拍拖，但轉個頭，又話今生最愛 Amigo，完全精神分裂：「除咗我屋企人之外，我最愛嗰個係佢……但係經過呢件事，就算我愛佢都唔可以同佢一齊！」
一打成名，出席亞視《財神到》節目，「中巴」繼續要被打做宣傳。
「中巴」日日見報，甚至上載自己的新廣告上 blog，隔空向崔建邦宣示「活得比你好」。
收過萬酬勞出席活動，主持張繼聰提起崔建邦，「中巴」即黑面示人，毫不專業。（《蘋果日報》圖片）
農曆年後「重生」的崔建邦，大有機會重返《勁歌金曲》做主持。
撰文、攝影：娛樂組
mailto:nextb@nextmedia.com
ليست هناك تعليقات:
إرسال تعليق