拍攝時，梁政珏好緊張啲相靚唔靚，仲不時提攝記：「有走光記得唔好出呀，記住最緊要靚呀！」放心啦，身材咁 fit好難唔索喎！
封面
爆拍戲被性騷擾 TVB新姣精梁政珏：佢話我似 AV女
2010年02月24日o靚模眨吓眼又話 out，輪到無綫班姐仔發力胸戰，除咗乳神高海寧外，佢嘅同門惹火競敵梁政珏亦出盡力加緊追落後。
梁政珏有 32C，流鼻血身材絕對係惹火，不過梁自爆拍劇俾人性騷擾之餘，又對自己下下要拋胸拍戲覺得超侮辱。
梁政珏又要威又要戴頭盔，不妨問吓佢位大律師父親有冇咁 so嘅事啦！
記足兩年
08年參演由徐子珊、馬國明主演《甜言蜜語》嘅梁政珏仲係大茄，當年一位男 FM一句話佢似「 AV女」性騷擾，梁政珏記到家陣，佢仲話同場嘅韓瑪利有怒睥個工作人員，但瑪利姐就話唔記得。
你好似 AV女呀！
記憶中我又聽唔到有人講衰嘢食佢豆腐喎，其實做人唔需要太過介懷，或者講者無心、聽者有意呢！真實對白
梁政珏有個大律師老豆梁衛民，入行唔使撲水開飯已經有優勢，不過梁政珏拋胸行性感卻又驚俾人話 cheap，仲話最嬲係喺無綫拍戲時俾人當眾性騷擾，梁政珏說：「 08年拍電視劇《甜言蜜語》時，我當時要飾演護士，我諗住斯文啲所以加副金絲眼鏡，點知有個中年男 FM陰陰笑（收音人員）話我似 AV女，當時我真係好嬲好難受囉！」
射胸好賤
喺無綫開工俾人笑，最近梁政珏俾王晶睇中做晶女郎，之前拍王晶導演，將於 4月上畫的《美麗密令》時，要同台灣新星、綽號小舒淇嘅林佳菱一齊用胸夾阿 Sa頭，到最近喺大收過 2千萬嘅《 72家租客》內扮 o靚模着三點式俾人射水，據佢自己話係忍辱負重：「我未知係咪會簽晶哥 o架，要考慮吓先，拍《 72家租客》時，我連劇本都冇，一去到先知要扮 o靚模，仲要被人用水槍向我個胸射水，好似好 cheap咁，在場有成百人圍觀，有啲仲衰到搵手機影相，我真係覺得好委屈，我怕人哋會以為我係 o靚模，我唔明點解公司要安排我呢啲戲囉！」
嫌棄賣肉
不滿射水
《 72家租客》中，梁政珏與高海寧同時飾演 o靚模，富貴女梁政珏就話好不滿，但同場一齊俾水射心口，喺女人街大嘅高海寧則說：「導演好好人，仲準備定私家杯同薑茶畀我哋用，水槍都換上暖水，我知要着 Bikini同射水係工作需要，唔會覺得好尷尬。」
梁政珏 2007無綫藝員訓練班畢業後，因為 32C身材夠搶鏡，着泳衣玩遊戲節目又夠放，所以好快就變咗無綫乳牛代表，勢估唔到拋胸未上到位，拍劇拍戲已經多多投訴，咪咁自負好喎！
梁政珏於《美》片中飾演選美佳麗，在更衣室換衫時左試右試，似乎想諗計谷大啲個胸！
胸夾阿 Sa
《美麗密令》中，導演王晶叫台星小舒淇林佳菱（左）同梁政珏（右）一齊用對胸嚟夾阿 Sa個頭，阿 Sa當時笑唔停咁話：「好軟腍腍呀！」不過梁大小姐就好不滿：「劇本都冇呢場嘅，係臨時加上去，雖然阿 Sa係女仔，但係都覺得好鬼尷尬，全場工作人員喺度勁笑囉！」
林佳菱
扯起長興
最近拍新劇《 Only You》時，梁政珏演姣精反而好投入，齋貼乳貼向長興耳窿吹氣，仲話搞到黃長興硬晒軚。
嗰幕戲其實分開一節節咁拍，都唔係一 shot過嘅，所以我都冇感覺，更加唔會硬晒軚啦，我係專業演員嚟嘛。我都覺得佢好 fit好靚，身材又唔錯，如果我係觀眾都會鍾意佢嘅。真實對白
呼…痕唔痕啫？
唔該，攞盆冰水淋我！
喺新劇《 Only You》中，梁政珏（左二）飾演 OL，未拍挑逗戲時同長興（右）唔係好熟，早前開劇拜神兩個亦冇乜交流。
耳仔吹氣
梁政珏講就話好驚俾人定型係性女，不過早前拍無綫新劇《 Only You只有您》時，做姣精色誘港男黃長興卻又好投入，梁說：「嗰時我着住大露背裝，入面冇戴胸圍，淨係得乳貼同打底褲，又餵佢食士多啤梨同吹佢耳仔，長興即刻喘晒氣、又吞晒口水硬晒軚咁，我覺得好好笑囉！」
梁政珏做 o靚模拋吓胸就嘈到拆天，反而做姣精又鬼死咁 enjoy，究竟佢想點，真係好難捉摸喎！
梁政珏爸爸係大律師梁衛民（箭嘴），曾經與梁琤（右）傳過緋聞，不過佢唔靠老豆，希望建立自己演戲事業。
梁政珏早前喺《美麗高解像》扮迷幻妹都似模似樣，唔知有冇人教佢呢？
踩埋 o靚模靠墊
勉強叫 80後出世、 28歲梁政珏話過最怕被人當係 o靚模，因為佢覺得 o靚模呢個詞已被標籤為騷胸騷到 cheap晒嘅代名詞，梁政珏話：「佢哋成日都要騷胸好似好 cheap咁，墊到咁大好核突 o架！」但 o靚模就識弱點攻擊，反寸佢年紀大冇資格做 o靚模，明寸暗踩都出齊，睇嚟 o靚模都係惹唔過。
要加墊好核突！
A. Lin：我唔知佢係邊個喎，等我問吓經理人睇吓識唔識佢先答啦！真實對白《蘋果日報》圖片
Rainbow： o靚模已經成為一個專有名詞，都係因為我哋有市場價值，人哋先會為我哋改名。如果要突出件衫線條，即使我哋唔加墊，客戶都會要求我哋加啦。真實對白《蘋果日報》圖片
Lavina： o靚模呢個稱呼係指啲十零廿歲左右嘅模特兒， 25歲後都唔可以稱為 o靚模啦。暴唔暴露都係因應客戶需要啫，我哋夏天着泳衣係正常事，冬天都好密實。真實對白
周秀娜：吓，邊個嚟 o架，我每日已經要答好多嘢，唔識嗰啲人真係唔想理。真實對白
採訪、撰文：娛樂組
攝影：林子賢
化妝、髮形： Yoyo Yau
形象： Byran@the flaming
服裝： Arrogant Cat, Mango
ليست هناك تعليقات:
إرسال تعليق