嘩，索呀！（設計想法）
著住吊帶紅裙嘅阿佘，完全無懼九度寒風，企定响高球車上等待出場，旁邊嗰位工作人員（箭嘴）仲俾阿佘嘅英姿迷倒，成個呆笑。哈！果然好多爛桃花。
同你吟一吟
阿佘提廖碧兒有火
2010年02月25日歷年緋聞新聞加加埋埋仲厚過本電話簿嘅佘詩曼，上個禮拜二大年初三（二月十六日），現身沙田馬場同馬迷拜年，雖然氣溫急跌得番九度，但阿佘一提起佢俾雜誌老屈「幽會」陳豪，遭廖碧兒「踢竇」單新聞就好鬼㷫，仲話已經交俾律師處理事件。
虎年願望，阿佘話想行個真真正正桃花運，爛桃花全部行開。
要公開求愛，阿佘的確唔及同場出現嘅官恩娜咁幸運，有個中法混血醫生男友，不過官恩娜話，因為要去美國拍戲，同男友冇見兩個禮拜，連拍拖嘅第一個情人節被迫分隔兩地。有拖拍，無拖拍，的確有辣有唔辣。
有愛情滋潤唔代表唔怕凍，著背心裙嘅官恩娜，要黐實馬仔擋風，之後上台同周中師傅玩遊戲，凍到揸實拳頭唔識郁。
ليست هناك تعليقات:
إرسال تعليق