零化妝嘅張燊悅，塊面仍然脹卜卜，好有幸福婦人 feel。
媽咪姐手帳
張燊悅誤當賊辦
2010年02月12日有老公有囡囡嘅張燊悅，已經係萬事足，所以依家任何嘢都係屋企人行先。好似日前喺 IFC見到佢咁，張燊悅雖然走唔甩「濕平」習慣，喺 Zara磨咗好耐，不過佢除咗睇女裝之外，最花時間係睇男裝牛仔褲同童裝，擺到明照顧埋老公同個 B，望落去成個賢妻良母模樣囉。
不過當佢買完嘢、埋完單離開嗰陣，門口個防盜裝置突然大響，職員即刻衝出嚟，啲途人仲對張燊悅眼望望，搞到佢不知幾尷尬。原來係有件衫未拆防盜扣，張燊悅逼住又要再行番入去搞一輪。認真冇癮。
張燊悅為自己掃貨期間，亦有顧及囡囡，單喺童裝部就磨咗一段時間。
雖然淡出娛樂圈，但仍然流住「巨星」嘅血，所以，發現有記者，即趁埋單找數期間補妝。
終於執番正個樣，再架上副大黑超，重現「巨星風采」步出店門。
ليست هناك تعليقات:
إرسال تعليق